বিজেপিয়ে দিলে মনৰেগা শ্ৰমিকক টিকট, স্বামী হৈছে ৰাজমিস্ত্রি | MNREGA worker gets BJP Ticket

পশ্চিম বংগ নিৰ্বাচন য’ত মমতা বেনাৰ্জীৰ দলক বিজেপিয়ে পোনপটীয়াকৈ প্ৰত্যাহ্বান দিয়া দেখা গৈছে,তেনেস্থলত বিজেপিৰ টিকট প্ৰদান কৰা সিদ্ধান্তৰ বাবে জনসাধাৰণৰ মাজত আলোচনাৰ বিষয় বিষয় হয় পৰিছে । ২৭ মাৰ্চৰ পৰা হবলগীয়া পশ্চিম বংগ বিধানসভা নিৰ্বাচনত ভাৰতীয় জনতা পাৰ্টিয়ে ৰাজ্যৰ বাঙ্কুৰা বিধানসভা সমষ্টিৰ বাবে এগৰাকী মনৰেগা শ্ৰমিকক টিকট দি সকলোকে আচৰিত কৰি তুলিছে।

প্ৰাৰ্থীগৰাকী হৈছে চন্দনা বৌৰি । ৩০ বছৰীয়া চন্দনা বৌৰিৰ স্বামী এজন দৈনিক হাজিৰা কৰা ৰাজমিস্ত্ৰী আৰু তেওঁ নিজেই মনৰেগাৰ অধীনত কাম কৰে।চন্দনা বৌৰিয়ে শেহতীয়াকৈ তেওঁৰ মনোনয়ন পত্ৰ দাখিল কৰিছে। মনোনয়ন পত্ৰত চন্দনাই তেওঁৰ সম্পত্তিত তিনিটা ছাগলী, তিনিটা গৰু, এটা অতি সাধাৰণ ঘৰ, বেংকত জমা আৰু নগদ মিলাই ৩১,৯৮৫ টকা ঘোষণা কৰিছে।

চন্দনাৰ ঘৰত নাই কোনো শৌচাগাৰৰ সুবিধা নাই । শৌচ কৰিবৰ বাবে তেঁওলোক পথাৰলৈ যাবলগীয়া হয় । লগতে, তেওঁলোকৰ ঘৰত খোৱা পানীৰ বাবে কোনো টেপ প্ৰণালী নাই, যাৰ বাবে তেওঁলোকে বহু দূৰ গৈ পানী আনিব লাগিয়া হয়। চন্দনাৰ স্বামী চৰবন এগৰাকী ৰাজমিস্ত্রি যিয়ে প্ৰতি দিনে ৪০০ টকা হাজিৰা হিচাপে উপাৰ্জন কৰি ঘৰ সংসাৰ চলাবলগীয়া হয়। বাৰিষাৰ বতৰত যেতিয়া শ্ৰমিক পোৱা কঠিন হয় পৰে তেনে পৰিস্থিতিত চন্দনাও স্বামীৰ সৈতে কাম কৰিবলগীয়াত পতে । স্বামী-স্ত্ৰী দুয়োজন মনৰেগা কাৰ্ড ধাৰক আৰু তেঁওলোকৰ তিনিটা সন্তান আছে।

পশ্চিমবংগত ভাৰতীয় জনতা পাৰ্টিয়ে এনে এগৰাকী মনৰেগা শ্ৰমিকক টিকট দি সকলোকে আচৰিত কৰি তুলিছে।